Praqa Nəqliyyat Müəssisəsi oktyabrın 15-dən etibarən Palmovka-Letnyana marşrutu üzrə elektrobusların hərəkətini sınaqdan keçirməyə başlayıb.
Testləşdirmənin məhz həmin tarixdə başlanması rəmzi məna daşıyır: 45 il bundan əvvəl oktyabrın 15-də Çexiya paytaxtında trolleybusların hərəkəti dayandırılıb. Sınaqlar bir neçə həftə davam edəcək.
TravelNews.Az AZƏRTAC-a istinadən xəbər verir ki, arzu edən hər kəs yeni nəqliyyat növünü bir kilometrlik bu trasda sınaqdan keçirə bilər. Sonuncu dayanacaq sayılan Palmovkada elektrobusun enerji qidalandırılması yerinə yetirilir. Praqa Nəqliyyat Müəssisəsi elektrobusları bundan əvvəl bir dəfə də test sınağından keçirib. Lakin o vaxt belə maşınların enerji qidalandırılması üçün tramvayların kontakt naqillərindən istifadə edilməsindən söhbət gedirdi.
Şərhlər
şərhlər