Avstraliyalı biznesmen Clive Palmer “Titanic II”-ni cəmiyyətə təqdim etməyə hazırlaşır.
İlk “Titanic” gəmisi, layihə müddətində “batmayan gəmi” kimi tanınsa da, 1912-ci ildə aysberqlə toqquşaraq sular altına qərq oldu. Elə bu səbəbdən də, yeni gəmiyə batmayan deyil, “öldürülməyən gəmi” kimi müraciət edilir.
Yeni layihəyə 2012-ci ildə başlanılsa da, Çin hökumətiylə olan maddi münaqişələr zəminində proses bir neçə il sonra dayandırılmışdı. Lakin keçən aylarda, Clive Palmer gəminin inşasına davam edildiyini bildirdi.
Yeni gəmi köhnə gəmiylə tam eyni şəkildə dizayn olunacaq və eyni marşrut üzrə hərəkət edəcək. Lakin, taleyinin ilk gəmi kimi olmaması üçün, “Titanic II” hamı üçün yetəcək qədər xilasetmə qayıqları və modern naviqasiya və radar sistemi ilə təchiz olunacaq.
Gəzən şayələrə əsasən gəminin 2022-ci ildə okeana yelkən açacağı gözlənilir. Lakin Palmer, tarix demək üçün hələ tez olduğunu bildirib.
Şərhlər
şərhlər