TravelNews.Az Turizm Xəbərləri
Related Articles
Eltz qalası Almaniyanın ən məşhur və gözəl qəsrlərindən biridir. Qəsr meşənin içərisində Reynland–Pfalz kəndinin yaxınlığında yerləşir. Qalanın unikallığı ondadır ki, o heç vaxt heç bir hücuma məruz qalmayıb,heç vaxt dağıdılmayıb.
Qala haqqında ilk məlumat 1157-ci ilə məxsusdur. Germania.one saytının verdiyi məlumata görə, qala bir ailənin mülkü olmuşdur və artıq 30-cu nəsildir ki, bu qalaya sahiblik edirlər.
Qala XII əsrdə Eltz çayının vadisində tikilmişdir. Qalaya 30-40 metr hündürlükdə olan 8 qüllə daxildir. Qüllələr xarici divarlara bərkuidilmişdir. Qalada 100-dən çox otaq var, vaxtilə burada ailənin 100 üzvü qalırdı. Qalanın ən qədim hissəsi roman stilində saxlanılmış Plattelz-dir. 1490-1540-cı illərdə qəsrin daxilində “rodendorf” adlanan evlər tikilməyə başladı. Bu adı sahibkarların birinin yoldaşının adından götürüldüyü bildirilir. 1604-cü ildən 1661-ci ilədək isə qalanın daxili həyətində “kempenix” adlanan evlər tikilməyə başladı.
Qalanın sonuncu yenidənqurma işləri 1845-1888-ci illərdə həyata keçirilmişdir. Hal-hazırda Elz Frankfurt-Mayne şəhərində yaşayan varisin mülküdür. Hazırda qalaya turistlər üçün ekskursiyalar təşkil edirlər və yığılan pulları qəsrin təmirinə sərf edəcəklər.
