TravelNews.Az Turizm Xəbərləri
Related Articles
Bu ilin dekabrın 16-dan etibarən “Buta Airways” aviaşirkəti “Baku Star Travel” şirkətinin sifarişi ilə Bakı-Məşhəd birbaşa çarter aviareysləri üzrə uçuşlara başlayacaq.
FED.az xəbər verir ki, İranın Azərbaycandakı Səfirliyindən verilən məlumata görə, uçuşlar 1 il müddətində hər həftənin I və IV günləri yerinə yetiriləcək.
Bakı-Məşhəd aviareysinə bir istiqamətə biletin qiyməti 170 manat, hər iki istiqamətə isə 323 manat təşkil edir.
“Baku Star Travel” şirkətindən bildirilib ki, 1 ildən sonra sözügedən reysə tələbat artdığı halda, uçuşların hər gün təşkil ediləcəyi istisna olunmur.
“Uçuşlar İran və Azərbaycan arasında əlaqələrinin daha da inkişafı üçün təşkil edilib”, – deyə Səfirlikdən bildirilib.
