Azərbaycan Seulda keçirilən dünya səyahət sərgisində təmsil olunub

Azərbaycan Cənubi Koreyanın paytaxtı Seulda təşkil edilən 32-ci dünya səyahət sərgisində təmsil olunub.

TravelNews.Az-ın AZƏRTAC-a istinadən verdiyi xəbərə görə, sərginin Azərbaycan guşəsində xalqımızın mədəniyyətinə aid müxtəlif əyani vəsaitlər, o cümlədən milli geyimlərimizi, musiqi alətlərimizi, tarixi abidələrimizi və müasir memarlıq nümunələrimizi, ölkəmizin füsunkar təbiətini əks etdirən fotoşəkillər, milli suvenirlər nümayiş olunub.

Bundan başqa, Azərbaycan guşəsini ziyarət edənlərə ölkəmizin turizm potensialına dair broşürlər paylanılıb.