Avqustun 20-də “Şahdağ” Turizm Mərkəzi tərəfindən əyləncə həvəskarları üçün maraqlı aksiya təşkil olunacaq.
TravelNews.Az saytının ikisahil.az-a istinadən verdiyi xəbərə görə, “Şahdağın hədiyyəsi” adlanan aksiya çərçivəsində turistlər yalnız bir gün cəmi 8 manat ödəməklə 4 əyləncədən faydalana bilərlər. Aksiyaya qoşulanların az məbləğ müqabilində ziplayn, bob kart, seqvey və trottinetdən yararlanmaq imkanı olacaq. Bununla yanaşı, mərkəzdə uşaqlar üçün ödənişsiz olaraq mini futbol, voleybol, basketbol, hava qəsrləri və macəra parkı kimi əyləncələr fəaliyyət göstərəcək.
Bütün günboyu rəngarəng musiqi və fərqli əyləncələr qonaqların zövqünü oxşayacaq.