TravelNews.Az Turizm Xəbərləri
Related Articles
Avqustun 15-də “Sapphir Hotel Baku”da Astananın turizm potensialı haqqında “Astanaya xoş gəlmisiniz” adlı təqdimat mərasimi keçirilib.
TravelNews.Az xəbər verir ki, Qazaxıstanın “Triumph Sat Group Travel” şirkətinin təşkilatçılığı ilə keçirilən tədbirdə ilk olaraq “EXPO-2017” ilə bağlı videoçarx nümayiş olunub. Qazaxıstanın Azərbaycandakı səfirliyinin konsulu Nurbek Almaşov ölkələrimiz arasında turizm əlaqələrinin genişləndiyini vurğulayıb. Mədəniyyət və Turizm Nazirliyinin nümayəndəsi Leyla Verdiyeva ölkələrimiz arasında turizm sahəsində qarşılıqlı əlaqələr barədə geniş məlumat verib. Leyla Verdiyeva həm də Azərbaycana hər il təxminən 30 min qazax turistin gəldiyini də bildirib.
Daha sonra Qazaxıstanın aparıcı tur şirkətlərinin nümayəndələri də çıxışlar edərək, Astananın və ümumilikdə Qazaxıstanın turizm potensialından danışıblar.
Təqdimat mərasimində həm də Qazaxıstanın etnik çalğı alətləri nümayiş olunub, milli musiqiləri səsləndirilib.
Sonda tədbir iştirakçıları üçün Qazaxıstanın milli təamlarını dadmaq şansı da yaradılıb.
