TravelNews.Az Turizm Xəbərləri
Related Articles
Miqrasiya Məcəlləsinin 38-ci (Elektron vizalar) maddəsinə əlavələr təklif olunub.
TravelNews.Az APA-a istinadən xəbər verir ki, maddənin birinci bəndinə təklif edilən əlavəyə əsasən Azərbaycan Respublikasına gələn əcnəbilər və vətəndaşlığı olmayan şəxslər “ASAN Viza” sistemi vasitəsilə elektron viza alan zaman elektron qaydada verilən çoxdəfəlik vizada ölkədə qalma müddəti 90 günədək müəyyən edilir.
Qeyd edək ki, hazırda elektron qaydada verilən birdəfəlik vizada ölkədə qalma müddəti 30 günədək müəyyən olunur. Yeni əlavənin qəbul edilərək qüvvəyə minəcəyi halda da birdəfəlik vizada qalma müddəti 30 gün olaraq qalacaq, 90 gün isə qeyd edildiyi kimi çoxdəfəlik viza alanlar üçün müəyyən ediləcək.
Layihə Milli Məclisin dekabrın 29-da keçiriləcək iclasında müzakirəyə çıxarılacaq.
