“Ulduzlu Gecə” Amsterdam İşıq Festivalında

09 Yanvar 2019 Destinasiyalar, Xəbərlər Leave a comment 442 Views

Məşhur rəssam Van Gogh-un “Ulduzlu Gecə” əsəri serbiyali sənətçilər İvana Jelic və Pavle Pertrovic tərəfindən LED işıqlar vasitəsilə yenidən canlandırılıb. Bu işıqlardan ibarət böyük panel 7-ci Amsterdam İşıq Festivalını bir hissəsidir və Amsterdam şəhərinin kanalları üzərində quraşdırılıb. Sənətçilər bu əsərin həm də şəhərlərin işıqlar tərəfindən “çirklənməsi” məsələsinə diqqət gətirəcəyinə inanır.

Belə ki, statistikaya əsasən gecələr səmalar aydınlansa da,Yer Kürəsinin 80 faizində işıq çirklənməsi nəticəsində ulduzlar yox olmağa davam edir. Bu göstərici isə Avropa və ABŞ-da daha pisdir. Bu səbəbdən də “Ulduzlu Gecə” əsərinin sırf ışıqlarla canlandırılması xüsusi bir mesaj daşıyır.

Əsər 1400 ədəd kiçik akrilli çubuqların bir yerə yığılması və LED işıqları ilə işıqlandırılması nəticəsinə ərsəyə gəlib.İdeya isə Amsterdamdakı Van Gogh muzeyi tərəfindən irəli sürülüb.