Azərbaycan Turizm Bürosu Pekində mükafata layiq görülüb

Dekabrın 6-da Azərbaycan Turizm Bürosu Çin Xalq Respublikasının Pekin şəhərində nüfuzlu “Voyage” jurnalı tərəfindən keçirilən “Voyage Night 2019” tədbirində mükafatlandırılıb.

Azərbaycan “Potensial turizm destinasiyası” kateqoriyasında birinci yer üzrə mükafata layiq görülüb. Dünya üzrə geniş oxucu kütləsinə olan “Voyage” jurnalı Çinin ən nüfuzlu turizm və səyahət dərgilərindən biridir. Jurnalın əsas oxucuları turizm sektorunun peşəkarları və aparıcı biznes adamlarıdır.

Mükafat Azərbaycan Turizm Bürosunun Çindəki rəsmi turizm nümayəndəliyinin əməkdaşına təqdim olunub. Mükafatlandırma mərasimində 200-dən çox yerli və beynəlxalq turizm sənayesinin nümayəndəsi iştirak edib.

Mənbə: Azərbaycan Dövlət Turizm Agentliyi