TravelNews.Az Turizm Xəbərləri
Related Articles
Almaniyanın Frankfurt şəhərində yerləşən Hahn Havalimanı 15 milyon avro qarşılığında Çinin “HNA Group” şirkətinə satılıb. Satış müqaviləsinə əsasən havalimanının 85.2% səhmləri bu şirkət tərəfindən alınıb.
Keçmişdə hərbi məqsədlər üçün istifadə olunan havalimanı ildə 2.5 milyon insana xidmət edir. Uzun müddətdir maliyyə problemləri ilə üzləşən havalimanını “HNA Group”dan öncə Amazon şirkəti almaq istəyib ancaq buna nail olmayıb.
Qeyd edək ki, Hahn Havalimanı Almaniyanın karqo daşınmasında öndə olan beş havalimanından biridir. Əsas özəlliyi isə Avropa ilə Asiya arasında qida ticarətində böyük rol oynamasıdır.
Hazırda “HNA Group”a aid Yangtze River Express karqo şirkəti Tianjin və Zhengzou şəhərlərindən adıçəkilən havalimanına uçuşlar həyata keçirir.
