Oktyabrın 11-də Azərbaycanda ən tanınmış brendlərdən biri olan “Hilton Baku” 6 yaşını qeyd edəcək.
TravelNews.Az xəbər verir ki, bu əhəmiyyətli günü insanlarla bölüşmək üçün “Hilton Baku” maraqlı və bir sıra xüsusi ad günü təklifləri hazırlayıb. Bütün həftəni, yəni oktyabrın 9-dan 15-dək turistlər bu kampaniyalardan yararlana bilər. “Hilton Baku”nun sosial şəbəkə hesablarında sözügedən təkliflərlə tanış ola bilərsiniz.
Kampaniyalar bununla da bitmir. Bu günlər ərzində Sky Grill restoranında şam yeməyi yeyənlər lotoreyada iştirak etmək şansı qazanacaq. Ayın sonunda seçilən 6 şanslı qalib cəmi 6 AZN ödəyərək oteldə iki nəfərlik gecələmə kuponu əldə edəcək.
Qeyd edək ki, “Hilton Baku” 6 il ərzində yüksək keyfiyyətlə turistlərə xidmət göstərib və Azərbaycana gələn dövlət rəsmilərinin, incəsənət xadimlərinin, musiqiçilərin seçimi olub.