Bazar , May 12 2024
azenru
Home / Tədbirlər / XII Nar festivalına start verilib

XII Nar festivalına start verilib

Göyçayda XII Nar festivalına start verilib. Festival Mədəniyyət və Turizm Nazirliyinin, Göyçay Rayon İcra Hakimiyyətinin birgə təşkilatçılığı ilə keçirilir.

Builki Nar festivalında iştirak edənlər arasında dövlət və hökumət nümayəndələri, Milli Məclisin deputatları, xarici ölkələrin Azərbaycandakı səfirləri, yerli və xarici iş adamları, beynəlxalq təşkilatların əməkdaşları da var.

TravelNews.Az AZƏRTAC-a istinadən xəbər verir ki, festival iştirakçıları günboyu nar məhsullarının nümayiş olunduğu sərgiyə baxacaq, nar abidəsinin açılışında iştirak edəcək, habelə respublikanın tanınmış müğənnilərinin iştirakı ilə konsert proqramı, nar istehsalı müəssisələrinə səfər, bədii kollektivlərin çıxışları, müxtəlif müsabiqələr təşkil ediləcək.

Noyabrın 4-də isə Heydər Əliyev parkında nar və nar məhsullarının satış yarmarkaları, yerli musiqiçilərin iştirakı ilə konsert təşkil olunacaq, nardan hazırlanan müxtəlif əl işləri nümayiş etdiriləcək. Həmçinin şəhər stadionunda “AzNar” və “Neftçi” futbol komandaları arasında “Nar kuboku” uğrunda oyun keçiriləcək. Oyun saat 15:00-da başlayacaq. Yarışın qalibinə “AzNar” QSC tərəfindən 10 min manat, ikinci yerin sahibinə isə 5 min manat pul mükafatı veriləcək.

Şərhlər

şərhlər

Check Also

Bakı-Naxçıvan-Bakı reysləri güclü duman səbəbindən həyata keçirilmir

Naxçıvan hava limanında güclü duman olduğundan Bakı-Naxçıvan-Bakı reysləri yerinə yetirilmir. Hava şəraiti normallaşan kimi, bütün …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir